Þá er lokið stórgóðri sýningu vestlendskra hestamanna sem haldin var í Faxaborg í gær. Troðfullt var á pöllum og urðu einhverjir því miður frá að hverfa. Fjölmörg atriði voru á sýningunni en framkvæmd hennar gekk vel, engar tafir utan smávegis í kjölfar óhapps sem átti sér stað í dekkjarallýinu en einn knapinn fótbrotnaði því miður. Þétt og góð dagskrá. Eiga forsvarsmenn sýningarinnar mikið hrós skilið. Fram kom á sýningunni að Magnús gæðakokkur hefði gefið Faxaborg hljóðkerfi sem þarna var tekið í notkun og var mikill munur á hljóðgæðum frá því sem verið hefur. Flott framtak hjá Magnúsi. Myndin sem fylgir hér er tekin af barnahópnum frá Skugga en hann var með góða sýningu. 

Nú hafa stjórn Vesturlandssýningar í Faxaborg n.k. laugardagskvöld birt sýningarskrána. Eru fjölda mörg atriði á dagskrá,  hvert öðru forvitnilegra en sjón er sögu ríkari - munið forsöluna.